مقطتفـــات من الحــلقه الســابقـه ...
ـــــــــــــــــــــــــــــــــــــــــــــــــــــــ
انوش : عارف يا محمد انا كان نفسى من زمان اوى الاقى حد يفهمنى من غير ما اتكلم
ولقيت الحد ده فيك انت عارف انت حلم لبنات كتير اوى تتمنى تكون معاها
هو انت مقتنع انك سايب كل دول وراضى بيا انا
محمد : انا مكنتش اتمنى كل البنات دى انا حتى مكنتش بدور عليكى
عارفه احنا لو دورنا ع الحاجه الغاليه مش هنلاقيها وهنتخدع فيها
انتى عامله زى الماس واللؤلؤ الناس بتلاقيه صدفه ومهمتهم انهم يحافظوا عليه
عشان ميضيعش منهم بعد كدهـ فهمـتى انا معاكى انتى بس ليه
لانك انتى بـ العالم واللى فيه
اقولكـ ع سر يا شيماء .. ..........
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انوش : ها قـول .. ؟
محمد : ولا اقولك لالا بلاش ..
انوش : لالا عشان خاطرى قول والنبى بلاش كده بقا يلا قوووول
محمد : اصل انا هو انا ينفع اسمع صوتك ... ؟
انوش : بس انا مش عندى مايك والله ... محمد قول السر بقا والنبـى
محمد : طيب هقولك السر بس بشرط
انوش : اتفضل قول...
محمد : انا عاوز اكلمك فون الاول ؟؟
انوش : بص هو انا مش خايفه منك والله ولا قله ثقه بس صدقنى مش هينفع
محمد : عشان خاطرى انا مش هكلمك كتير انا هقولك السر وامشى على طول
انوش : حاضر ثوانى طيب اجيب الفون
.... محمد انت موجود
محمد : اه انا هنا هاتى الرقم ..
انوش : خد الرقم بس محمد بسرعه عشان محدش يسمعنى
**********
محمد : اوكـ .. هتصـل
ـــــــــــــــــــــــــــــــــــــــــــــــــ
محمد : الو ..
انوش : .... ..
محمد : يابنتـى الو انتى سامعـانى ولا اقفل
انـوش : لا سامعاك متقفلش قول السر يلا
" محمد مكانش متوقع ابدا ان صوتها يكون بالرقه والجمال ده
حس بصدمه من جماله وسكت ومقدرش يتكلم لدقيقتين او اكتر "
انوش : محمد انت روحت فين .... الووو
محمد : اااااه ... انا هنا اهو معلش معلش سرحت بس
انوش : سرحت فى ايه انت بتعمل حاجه وانت بتكلمنى ؟؟
محمد : لا والله .. بس انا اول مرة اسمع صوت بنت يكون بالرقه والجمال ده
فـ سرحت فيه ونسيت انك ع الخط
""انوش وشها جاب الوان والكلام تاه منها ونسيت هى مين اساسا""
انوش : طيب قول السر بسرعه بقا عشان امشى ونكمل شات
محمد : شيماء .. انا عمرى ماكنت افكر انى هبقى مع حد كده
ولا اقرب من حد اوى كده ع الاقل فى الفترة الحاليه بس انا مش عارف
انتى كسرتى كل قواعد حياتى اللى كنت ماشى عليها
وخليتنى بدون ارادة .. احبك
انوش : انت بتقول ايه .. ؟
محمد : بقول .. انى بحبك اووووووووى
" انوش قفلت السكه فى وشه وراحت تقعد ع الـ تشات "
محمد : انتى قفلتى ليه هو انا زعلتك .. بجد انا اسف مكنتش اقصد ازعلك بس والله ده اللى انا حاسس بيه فعلا ولو كان زعلك اعتبرينى مقولتش حاجه انا اسف بجد
انوش : محمد بص هقولك ع حاجه وهقفل شات ..
محمد : طيب هتقفلى ليه ؟؟
انوش : كده مش عارفه اسمع بس ..
محمد : قولى .. ؟
انوش : انا طول عمرى ما فكرت انى احب ولا حد يجى ويقولى بحبك زى اصحابى
والكلام ده بس انا من ساعه ماشوفت كلامك اول مرة واتكلمنا والكلام ده
وانا حاسه انى بقرب ليك يوم عن يوم مش عارفه ايه ده
بس حاسه انى بحب اقعد معاك واتكلم معاك
وبرتاح اوى وانت موجود وبنتكلم مع بعض
بص .. انا كمان بحبك اوى باى
""وقفلت الدردشه وجريت تستخبى تحت البطانيه بتاعتها وهى مكسوفه اوى حتى من نفسها
وقعدت طول الليل منمتش من كتر الفرحه وقلبها ده كأنه بيرقص جواها "
""هو كمان فرح اوى ان اللى بيحبها وبيتمناها بتحبه ودخل على سرريره .. بس ازاى ينام وحلم حياته بدأ يتحقق قدامه ""
"" تليفون محمد بيرن وهو بيفتح وهو مش شايف مين اصلا ""
انوش : الو ...
محمد : الو .. انتى بتتصلى بجد ولا انا لسه نايم
انوش : انت لسه نايم اه وانا بتصل بجد برده اه ويلا قوم اصحى يابيه عشان الوقت اتاخر وانا قاعده لوحدى ومش لاقيه حاجه تسلينى قوم يالا الساعه 7.30
كفايه نوم كده
محمد : طيب انا مش هرد عليكى عشان ده احلى صباح فى الدنيا كلها بصوتك
بس بزمتك مش حرام لما تقوليلى الوقت اتاخر وبعدها على طول الساعه 7.30
طيب انتى لو راضيه على نفسك كده قوليلى
انوش : اه راضيه يا اخويا وصاحيه بدرى اهو اشمعنا انا بقا
محمد : انتى اصلا منمتيش طول الليل
"انوش اتكسفت كده وصوتها رق وافتكرت انها بتكلم اكتر واحد فاهمها فى العالم كله"
انوش : طيب يلا صباح الخير قوم بقا هستناك نتكلم شات
محمد : طيب ليه شات ما انتى لوحدك نتكلم فون بقا
انوش : خلاص يلا اغسل وشك وتعالى
محمد : ماشى ياحبيبتى وصباحك زى الفل
"انوش سمعت كلمه حبيبتى دى وقفلت الفون ونسيت تقوله سلام ومبقتش عارفه مالها حاسه انها مش واقفه ع الارض وانها طايرة فى السما "
"محمد رجع وقعدوا يتكلموا اكتر من تلات ساعات ونسيوا نفسهم تماما وبدأوا يتكلموا فون كتير وبدأت علاقتهم تبقى اقوى بكتـير جداً "
"" انوش نجحت فى اولى ثانوى ودخلت تانيه بدرجات عاليه جداً وكمان محمد نجح بدرجات عاليه ومع بدايه المدارس كانت مكالماتهم بدأت تبقى اقل عشان الدروس وكده بس هما اتفقوا علي حاجه "
انوش : محمد انا بجد مش عارفه بس ممكن معرفش والله .
محمد : حاولى عشان خاطـرى وان شاء الله احنا مش هنقعد كتيـر واختارى مكان قريب منك عشان لو فى اى حاجه نروح على طول
انوش : طيب هشوف واقولكـ
"" انوش مكانتش متخيله ان محمد هيطلب يقابلها ومش عارفه تقوله ايه
قررت انها تقابله فى مكان حلو اوى هى بتحبه دايما وكانت دايما تروح تقعد فيه مع اصحابها بعد المدرسه شويه
عشان هو هادى وجميل ""
انوش : الو .. ازيك يامحمد عامل ايه
محمد : تمام .. وانتى ايه اخباركـ
انوش : الحمد لله بص انا فكرت وشوف كده انا ممكن معايا السبت الجاى الساعه تسعه الصبح
محمد : طيب اوكـ بس فين
انوش : هنتقابل فـ كازينو **** ع النيل عارفه
محمد : اه عارفه ... بس ده غالى عليكى اوى يابنتى هتدفعى كل ده عشان تقابلينى بس
انوش : ههههههههههههههههههههههههه ياعم انا عنيا ليك
محمد : ماشى يا ستى يا ام عيون انتى بحبك
انوش : وانا كمان اووووووى
" كملوا كدهـ لحد يوم الجمعه بالليل واتفقوا ع المكان اللى هيقابلوا بعض فيه ويتمشوا لحد الكازينو وتمام "
" محمد صحى الصبح لقـى مامته غسلت كل هدومه ومش لاقى حاجه يلبسها قرر انه يلبس بنطلون باباه وشكله كان تحفه طبعا المهم ركب ووصل فى المكان اللى متفق عليه"
"هما كانوا عارفين بعض من الصور اللى شافوها ع النت "
" بس محمد عمره ماكان يتخيل ان انوش تبقى بالجمال والاناقه دى
ولا هى كانت تتخيل ان محمد ....... ايه ده ايه البنطلون اللى هو لابسه ده
هو امور اه والتى شيرت شيك اوى بس ايه البنطلون ده "
"محمد خد باله ان انوش ركزت مع البنطلون "
"" محمد قرب منها "
محمد : لو سمحتى هو انتـى ارق بنوته فى الدنيا دى ؟؟
انوش : ضحكتك ووشها احمر وقالتله ايه بس شكلى هغير رأى ""وهى بتبص للبنطلون "
محمد : لا وربنا اوعى تاخدى عنى فكره غلط ده بنطلون ابويا
بصى بصراحه امى غسلت الهدوم ومكنش ينفع اعتذر فـ جيت بيه
"انوش ضحكت اوى ضحكه كده برقه خلت قلب محمد يطلع يقع فى النيل "
محمد : ازيك .. " ومد ايه يسلم عليها "
انوش : الحمد لله "وسلمت عليه "
" محمد خدها واتمشـوا شويه جمب بعض وهما ماشيين شافـوا عربيه بوليس موقفه اتنين ولد وبنت .. خاف عليها جداً ان حد يقولها كلمه وحشه بس حب يخليها متقلقش ولا تخاف"
محمد : تعالى نعدى الشارع عشان لو اتقفشتى هقولهم ولا اعرفك وهبيعك فى مع اول قلم
انوش : ههههههههههه انت معاك بطاقه اصلا
محمد : اه طبعا امال ايه وانتى معاكى بطاقه ولا ؟
انوش : لا
محمد : طيب يلا نعدى عشان كده هيبقوا قضيتين ولا هعرفك ولا كأنى كنت معاكى وهقولهم دى كانت خايفه تمشى لوحدها وقالتلى عدينى الكوبرى
انوش : هههههههههههه بطل بقى وعدى
محمد : طيب طيب خلاص
" محمد وهو بيعدى كان قاصد انه يمد ايده لورا ويمسك ايدها وهى كمان مسكتها وعدوا وجم عند نص الطريق ودى سابت ايده وطلعت تجرى "
محمد : انتى مجنونه يابت الطريق فاضى بتجرى ليه
انوش : انا بحب اعدى الطريق جرى .. اصلا بخاف
محمد : ماشى يامجنونه "" ومسك ايديها وكملوا مشى ""
"" انوش مش حاسه انها ع الارض خالص ومحمد عمال يكلمها وهى بترد عليها وقلبها وعقلها فى حته تانيه خالص .. فى ايد محمد "
محمد : اهو الكازينو اهو يلا ندخل ده انا كنت فاكرك جايبانا مكان غلط وتوهتينا عشان متدفعينش الفلوس ..
انوش : يابنى بطل لماضه وطولة لسان
محمد : طيب ياختى ادخلى
"" محمد وهو داخل لاحظ ان الامن بتاع الكازينو ركز مع البنطلون وانوش شافته وكانت مسخسخه من الضحك ومش قادره تتكلم اصلا"
محمد : فرحانه اوى ياختـى طيب انا همشى
انوش : خلاص خلاص اقعد .. تشـرب ايه
محمد : مش عاوز منك حاجه انا هاخد من الراجل الكريم الجميل اللى جاى علينا ده
الجرسون : تأمروا بأيه حضراتكم
انوش : انا هاخد عصير مانجه
محمد : وانا هاخد قهوة دوبل
الجرسون : اوكـ يافندمـ
" محمد بص لانوش بغيظ بعد ما الجرسون مشـى وقالـها "
ــــــــــــــــــــــــــــــــــــــــــــــــــــــــــــــ
انتهت الحلقه التالته هنا ونشـوفكم معانا فى الحلقه الرابعه بقا علي خير
ياريت تسيبوا كومنت تقولوا فيه رأيكم عن الحلقه
شيماء - البطله .... محمد (الفرعون) - حبيب البطله
الرواية مـهداة لـ أمرأة لمـ تكـن موجودة من الاسـاس .. ولـ كنها كانت لـ كل شئ هـى الاساس ..
الكاتب .
+copy.jpg)
