مـقـطـتفـات من الحـلقـه السـابـقـه
والارنب قالى : ..........
"وسكتت ومكملتش"
الاب : قالك ايه الارنب انتى جيتى تنسى فى ده
شيماء : انا منسيتش يابابا .. بس بحاول افهم
"بتبص للورده بابتسامه اللى حل اللغز""
الارنب قالى : " الورد هو رمز الحنان حتى لو دبل .. لو دورنا جواه هنلاقى مصدر السعاده الحقيقى لينا .. لو دورنا "
الاب : الشباب دول فعلا لازم يتعملهم تماثيل على كلامهم وافعالهم الجميله دى ربنا يباركلهم يارب
""شيماء لفت ايديها جوه الورده طلعت ورقه صغيره .. ضحكت بابتسامه المنتصرة وفتحت الورقه وشافت اللى فيها ""
"" نفس المكان .. نفس الميعاد .. يوم الاربع""
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
""شيماء فرحت اوى بالورقه اللى فى ايديها .. وفرحت ان اللى كانت فاكراه خيال بقا حقيقه وحصل
وقابلت اللى كانت بتتمنى بس تشوفه من بعيد ..لا وكمان طالب يقابلها .. "
"" شيماء افتـكرت الاغنيه اللى كانت بتحبها دايما .. وافتكـرت صوت محمد وهو بيغنـى ..
وافتكـرت لما جت عينى فى عينه .. سنينى معاه وافتكرت وعد كان بينى وبينه زمان خدناه .. "
"فاقت شيماء على صوت جرس عالى اوى .. للحظه .. فهمـت فيـها ان ده جرس جهـاز القلب .. بينـبه ان نبض القلب
منخـفض اكتـر من اللازم .. ""
"" هــدوء .. غيبـوبه ""
الام : الحق يا مصطفى البت بتضيع منـى انده الدكتـور بسرعه
الاب : استر يا رب حاضر حاضر
" يجرى الاب وهو مرعوب على بنتـه .. ويرجع بعد اقل من خمس دقايق ومعاه الدكتور ""
الدكتـور بص للجـهاز .. ومد ايده على جرس متعلق فى السرير
جت ممرضه بسرعه .. : نعم يا دكتور
الدكتور : بسرعه . .. هاتيلى الصاعق واندهـى دكتورة منـى وتعالى معاها .. بسرعه
"" فى دقيقتين كان اللى طلبه الدكتور اتنفـذ ..""
"" استمـرت المفاوضات بين الدكتور والقلب فى انه يرجع لنبضه الطبيعـى
حوالى 15 دقيقه قدروا يقنعـوا فيها القلب ان يرجع تقريبا للوضع الطبيعى الآمن ..
قبل مايدوهوا حقنه تثبت الوضع على ماهو عليه ""
الدكتـور : "فى لهجه مستنفرة " ممكن اعرف مين ضايقها او قالها حاجه خلتها تزعل ويحصلها الهبوط المفاجئ ده
الامـ: والله يا ابنى ماحد اتكلم معاها بعد الشباب بتوع الحفله وكانت مبسوطه وفرحانه
الدكتـور : ماشـى يا امـى عموماً شيماء لازم يتعملها رسم قلب حالا انا هبعت حد يعملهولها هنا
وحضراتكم تقدروا تروحوا دلوقتـى هى مش هتفوق قبل 24 ساعه
""الام والاب واخت شيماء روحوا البيت مغلوبين على امرهم بيدعوا ربنا يقوم بنتهم بالسلامه ""
ــــــــــــــــــــــــــــــــــــــــــــــــــــــــــــــــــــــــــــ
مصطفـى : محمد انت اتجننت .. برده عملت اللى فى دماغك .. يابنـى انا حذرتكـ افهم بقا انت بتـعمل ايه
محمد : مصـطفى .. شيماء هـى الحاجه الوحيده اللى فى حياتـى الحلوة .. واللى حلمت بيها طول عمـرى
بلاش تمنعنى عنها لانك مش هتقدر باى اسلوب .
مصطفى : انت حر يا محمد انا بس كنت خايف عليك .. بس انا حذرتك يا صاحبى وانت حر
""مصطفى يلف وشه عن محمد ومازال بيكلمه ومحمد مبيردش ولما بص عليه ""
مصطفى : يابنـى بكلمك مبـتـرد .............. محمد .. محمد
" محمد واقع فى الارض ونفـسه شبه معدوم ""
طلبوا الاسعاف جت خدت محمد وددوه المستشفى "
الدكتـور : ايه حصله .؟؟
مصطفـى : مفيش يا دكتور احنا كنا بنتـكلم عادى وهو فجأة وقع كدهـ
الدكتـور : طيب تقدر تبلغ حد من اهله عشان البيانات واحنا هنقوم باللازم
مصطفى : شكراً يادكتـور ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الدكتـور : معقـولة يا دكتورة منـى دى نتيجه رسم قلب لبنت عمرها 24 سنه ؟؟
الدكتورة : اه يا دكتور للاسف هى دى نتيجه رسم القلب
Coronary heart disease
الدكتـور : ربنا يسـتر انا لازم اتكـلم معاها لما تفـوق واعرف ايه اللى حصل
وخلى اللى حصل ده يحصل
وازاى جتلها الازمه دى كده مرة واحده
الدكتـورة : ربنا يشفيها يادكتـور ويقومها بالسلامه .. عن اذنكـ
الدكتـور : اتفـضلى
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
""الدكتـور خرج بعد اربع ساعات كانوا اهل محمد جم المستـشفى .. وجريوا ع الدكتور ""
مصطفـى : طمنا يادكتور خير فى ايه ؟.؟
الدكتـور : خير الحمد لله مفيش حاجه مجرد ارهاق بس وقله نوم وقله تغذيه .. انت اخوه ؟
مصطفـى : انا صاحب عمره وزى اخوه
الدكتـور : طب تعالى معايا المكتـب هكتبلك ع حاجات تنزل تجيبهاله من تحت
مصطفى : حاضر يادكتـور
ــــــــــــــــــــــــــــــــــــــــــــــــــــــــــــــــــــــــ
فى مكـان وفى عالم تانـى .. مش موجود الا فى عقـل شيماء وبس
" فى غيبوبه"
" افتكـرت مكالمه تليفون من محمد كانت طويله "
محمد : الو
شيماء : ازيك ياحبيبى عامل ايه
- : الحمد لله انتى ايه اخبارك عامله ايه ؟؟
**انا كويسه ياحبيبى طمنى عليك انت بقا وقولى اخبارك ايه
- انا ياستـى بحبك وهفضل احبك لاخر يوم فى عمرى
** ربنا مايحرمنى منك يا احلى ولد فى الدنيا دى كلها
- هههههه ولد مش شايفه ان الكلمه دى صغيرة اوى
** ولا تزعل يا احلى راجل فى الدنيا كلها
تعالى هنا بقا قولى .. صليت ؟؟
- الحمد لله ياستى وكمان سئلت ع اصحابى واهلى وطلعت زكاة يومـى
عشان متسئليش عن حاجه تانيه
** طيب شاطر تستاهل ..
- استاهل ايه ؟
** تستاهل هديه لما اشوفك المرة الجايه واتلم
- اتلميت خلاص
** هشوفك امتـى بقا
- عاوزة تشوفينى تانى .. ممكن فى اى وقت بس بشرط
** انا موافقه من غير ماتقـول
- قـول لمامتكـ انى بكلمك قوليلها كل حاجه خلينا فى النور عشان منحسش اننا بنعمل حاجه غلط
انا بحبك بجد ومش هقبل احس انى بسرقك
** محمد احنا ..
- شيماء قبل ماتكملى ده شرطى عشان نكمل كل حاجه
** يعنى انت حاطط ده قدام كل حاجه ؟؟
- لانـى بحبك .....
ـــــــــــــ ــــــــــــــــــــــ ــــــــــــــــ ـــــــــــــــــ ــــــــــــ
"" مكالمه تليفون تانيه بعدها بيومين تلاته ""
محمد : الو ؟
شيماء : ايوة يا محمد
- مبترديش ليه يابنـتى قلقتـينى عليكى اوى
* متقلقش انا كويسه .. محمد انا مش هعرف اكلمك تانى
- ...... يعنى ايه
* مش انت قولتلى انى لازم اقول لماما
ماما رفضتك يا محمد ... رفضتك من قبل حتى ماتشوفك
- انا مش مصدق اللى بسمعه .. والحل
** للاسف هى مسابتش مجال للحل .. هى اجبرتنى انى اوعدها وعد
انى مكلمكش تانى
- وانتـى هتعملى كدهـ
** انا مستعده اسيب كل حاجه وابقى معاك انت وبس هجيب حاجاتى واقعد معاك فى اى مكان واتجوزنى ونسيبهم ونبقى لوحدنا
- تفتكـرى مقبلتش اسرقك فى خروجه هقبل اسرقك طول العمر ؟؟
لو انتـى عملتى كده انا مش عاوزكـ
** خلاص يبقى ترضى بالامر الواقع دى اخر مرة نتكـلم فيها
- انا مش عارف ده عقاب عشان انا حبيت نكون فى النور ولا ايه
** محمد انا مش هعرف اطول معاك .. انا بحبك اوى
- وانا ..
" وانقطع الاتصال قبل ان يكتمل "
ــــــــــــــــ ـــــــــــــــ ـــــــــــــــ ــــــــــــــــــــ ـــــــــــــ
" محادثه تالته بس دى مش فى التليفون .. دى بين بنت وامها فى اوضه صغيره فيها دولاب لون ابيض مزخرف باللون الزهرى الفاتح ... اوضه بتنبض بالحيوية والطفوله ""
الام : ايه ياحبيبتى كنتى عاوزانى فى ايه ؟؟
شيماء : مفيش ياماما كنت عاوزة اقولك حاجه بس مش عارفة ابدا منين
الام : من مكان ما الحكايه بدأت ... انتـى فاكرة انى مش هعرف ان بنتى بتحب
ده انا افرحلك ياهبله قوليلى بقا اسمه ايه وقد ايه ومنين
شيماء : اسمه محمد .. عنده 17 سنه .. من ********
الام : طيب كويس يعنى قدامه سنه ويخلص ثانوى ويشتغل وهو فى الجامعه ويظبطلك الدنيا
عرفتيه ازاى بقا ياخلبوصه .. وقابلتيه من ورايا ولا ايه ؟
شيماء : عرفته من النت و قابلته مرة واحده بس والله
الام : من النت .. وازاى تسمحى لنفسك انك تتكلمى مع ولد ع النت وازاى كمان تسمحى لنفسك تقابليه
وهو وافق انه يقابلك بكل سهوله يبقى عمره ماحبك ولا هيخاف عليكى البيه بتاعك مرفوض ياهانم
شيماء : اسمعى بس ياماما .. انا قابلته عشان اشوفه واشوف اسلوبه فى الكلام واعرفه ع الحقيقه مش اكتر وهو كان محترم جداً والله وهو اللى طلب منى اننا منكملش مع بعض الا لما اقولك على كل حاجه وهو حابب يجى يتقدم ع الاقل يتكلم معاكى لحد مايبقى حاجه رسمـى
الام : انا قولت كلمه ومش راجعه فيها تانى .. عرفتيه من النت .. يبقى مرفوض
شيماء : يعنى ايه .. هو النت ده مش وسيلة تعارف زيه زى المواصلات زى الشغل زى المدرسه زى اى حاجه
الام : انتـى بتردى عليه يا قليله الادب .. " ورفعت ايدها ورسمت خمس صوابع على وش شيماء "
شيماء : "تبكـى " ..
الام : اوعديـنى متكلميهوش ولا تشوفيه تانى .. اوعدينى
شيماء : ااا .. او ... اوعدك
الام : اعمـلى حسابكـ .... خطـوبتك على ابن خالتك اخر السـنه دى .. الف مبروكـ
"" وخرجت الامـ وخرجت معاها صرخه ودموع كانت فى الحلم وكمان بانت على وش شيماء وهى فى الغيبوبه""
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الدكـتور : بص يامـصطفى انت شكلك قريب جداً لمحمد
وانا مش هخبـى عليك ان محمد تعبان اوى
مصطفى : خير يادكتـور احنا كلنا حاسين انه تعبان بقاله فتـره
الدكتـور : محمد عنده ................
انتهت الحلقه الرابعه هنا ونشـوفكم معانا فى الحلقه السابعه والاخيرة بقا علي خير
ياريت تسيبوا كومنت تقولوا فيه رأيكم عن الحلقه
شيماء - البطله .... محمد - حبيب البطله .... الام (رقيه ) ..
.. الدكتور ... الاب "مصطفى" ..... منه " اخت البطله "
مصطفى "صديق محمد حبيب البطله"
الدكتورة منى ... الدكتور المعالج لمحمد
الرواية مـهداة لـ أمرأة لمـ تكـن موجودة من الاسـاس .. ولـ كنها كانت لـ كل شئ هـى الاساس ..
الكاتب .
